केवळ चुकिची माहिती व गैरसमजुती वर आधारीत 'महाराष्ट्र टाईम्स' मधील बातमीमुळे पु.ल.प्रेमींमध्ये या विषयावर उलट सुलट चर्चा होणे स्वाभाविक होते, पण त्याच बरोबर ही चर्चा करणाऱ्यांपैकी किती जणांना प्रत्यक्षात 'पु.ल.गौरव..' विषयी माहिती आहे? व किती जणांनी मुंबईत असून सुद्धा 'पु.ल.गौरव...' ला भेट दिली आहे? या महत्वाच्या मुद्द्यावर सुद्धा यावेळी चर्चा झाली.

'लोकमान्य सेवा संघा'ने puladeshpande.net ला सुरुवातीपासूनच सहकार्य केले आहे, व पाठिंबा दिला आहे. यापुढे सुद्धा पु.लं.च्या संदर्भात वेगवेगळे उपक्रम puladeshpande.net व 'लोकमान्य सेवा संघास' सहकार्याने राबविता येतील व त्यासाठी 'लोकमान्य सेवा संघ' नेहमीच उत्सुक असेल असे श्री. मोहन करंदिकर व सौ. स्मिता पुराणिक यांनी सांगितले.

या चर्चेला श्री. श्रीकांत जोशी (Retd. Joint Secretary Govt. of Maha.) उपस्थित होते. श्री. श्रीकांत जोशी यांच्या सहकार्यामुळे चर्चेला खूपच मदत झाली त्यामुळे त्यांचे मन:पूर्वक आभार !

तसेच श्री. करंदिकर व सौ. पुराणिक यांनीही आमचे म्हणणे ऐकून घेतले व त्यांची बाजू स्पष्ट केली, त्याचबरोबर puladeshpande.net बरोबर अनेक उपक्रमांची चर्चाही केली त्याबद्दल त्यांचेही अनेक आभार !

'पु.ल.गौरव दर्शन' विषयी अधिक माहिती येथे वाचता येईल.

स्मिता मनोहर
puladeshpande.net